Situs Sutresna Jawa

ikon-kaca-ngajeng

ikon-buku-tamu

ikon-penanggalan

ikon-piwulang-kautaman

ikon-puspawarna

ikon-pasinaon

ikon-referensi

ikon-naskah-kuno

ikon-cerkak

ikon-galeria

ikon-lelagon

ikon-resep-masakan

ikon-download

Jumlah Pengunjung

5163769
Hari ini :Hari ini :803
Kemarin :Kemarin :1321
Minggu ini :Minggu ini :5898
Bulan ini :Bulan ini :28528
s/d Hari ini :s/d Hari ini :5163769
Online : 20

Pagerank

᭛᭤

 

19 Lampahan Bathara Brama Krama 01
= 01 / 04 =


 

1. Jêjêr ing Kahyangan Surålåyå, sang Nåtådéwå Bathårå Indrå miyós siniwåkå, dipún adhêp pårå putrå, Bathårå Citråråtå, Bathårå Citråsénå, Bathårå Harjuwinångå inggíh Bathårå Harjunåwångså, lan pêpak pårå Déwå.
Ngrêmbag gårå-gårå ing Kahyangan, margi sakíng Bathårå Bråmå sampún dangu anggènipún tåpåbråtå wóntên ing Kahyangan
Hargådåhånå, rêdi latu ingkang murúb mangalad-alad bótên kéngíng
ing pêjah, sapêrlu nyuwún jodho ingkang pinasthi, dadós
sêsêmbahanipún pårå janmi.
Sartå ugi ing wêkdal punika wóntên råjå raksåså ing pråjå Gilíngåyå,
jêjulúk Prabu Kålå Iråmbå, kapati brangtå nyuwún jodho widadari
Dèwi Supråbå.
Bótên watawís dangu Bathårå Narådå rawúh, ngêmban dhawúh
timbalanipún sang Hyang Jagad Guru, kapuríh ambangsulakên
panyuwunipún Prabu Kålå Iråmbå.
Margi miturút wawatón, bangså raksåså punikå jodhonipún rasêksi,
Déwa Dèwi, hapsårå hapsari, satriyå lan putri, tuwín sapiturutipún.
Bathårå Indrå matúr sandikå ngèstókakên dhawúh.
Bathårå Narådå wangsúl dhatêng Kahyanganipún.
Bibaran paséwakan.
2. Ing Karangkawidådarèn Tinjomåyå, Bathari Wiyati lan pårå widådari
sami mêthúk konduripún sang Nåtåddéwå Bathårå Indrå.
Sasampunipún sami satåtå lênggah, nuntên sami pangandikan
kawóntênaníng paséwakan.
Lajêng bibaran, Bathårå Indrå miyós ing njawi.
3. Madêg ing Rêpatkapanasan, Bathara Citråråtå, Bathårå Citråsénå,
Bathårå Harjunåwångså lan pårå Déwa tuwín wadyå dorandårå.
Mranåtå siyågå gêlaríng prang, sasampunipún samaptå sadåyå, lajêng
bidhal, sami nitíh têtumpakanipún piyambak piyambak.
Prampógan Déwa ngråtå margi nyingkirakên pêpêdhút.

bathara_harjuwinanga
Bathårå Harjuwinångå


kds penutup

Wangsul Manginggil

 

  • < 18 Lahiripun Bathara Gana - 05
  • 20 Lampahan Bathara Brama Krama >

Situs Sutresna Jawa, Powered by Joomla!