Jumlah Pengunjung
 | Hari ini : | 88 |
 | Kemarin : | 1214 |
 | Minggu ini : | 1302 |
 | Bulan ini : | 23932 |
 | s/d Hari ini : | 5159173 |
Pagerank
| 10 Suluk Padhalangan 08 | |
 Kilyan sangka rik ta tman arêpatrèhnyabalé kcana, obhbhr mahêníng pawal natar ikrok mutyah rraras; waiꧤryymaranla bapra ni pagêr tujungnya mantên lumng, muntab hintên i gopuranya macawintên sryyakntijwawala. Íng nginggíl punikå namanipún sêkar |
| Suluk Pedhalangan - |
| Padhalangan 08 |
| ᭛ᩏ ᭙ |
| Kilyan sangka rik ta tman arêpatrèhnyabalé kcana, obhbhr mahêníng pawal natar ikrok mutyah rraras; waiꧤryymaranla bapra ni pagêr tujungnya mantên lumng, muntab hintên i gopuranya macawintên sryyakntijwawala. Íng nginggíl punikå namanipún sêkar Sardulawikridita, têgêsipún : dolanan sima, punikå sambêtipún slokå íngkang kasêbút íng ångkå 1 (sêtunggal - ngajêng piyambak). Isinipún nyariyósakên kaéndahaníng taman íng Hastinå (íngkang manawi wóntên íng paꧤalangan kawastanan taman kadilêngêng). Wóntên íng pagêlaran ringgít púrwå sêkar punikå kanggé sulukan paꧢêt manyurå agêng, limrahipún íng susukan gênꧤíng Damarkèli, kaꧤatónan Hastinå pramèswari Dèwi Banuwati. Katranganíng têmbúng têmbúngipún : 1. Kilyan = dadipún têmbúng Jawi énggal (kråmå) : kilèn, ngoko : kulón. 2. Kilyan angka rik = mangilèn sakíng ngrikå, íng sakilènipún punikå (Maksúdipún íng sakilènipún kaꧤatón Hastinå). 3. Taman = 1) Patamanan. 2) Sami kaliyan “tan” = bótên. 4. Arêpat = kêmpal; wóntên, samêktå (Indonesia : hadir). 5. Rèhny = pranatané, pasang rakitipún. 6. Balé = griyå. (griyå íngkang dumunúng íng patamanan namanipún : pantisari). 7. Balé kncana = griyå êmas, pantisari êmas. 8. obhbhr = cobha (bagus, éndah, asri) + abhra (éndah, sumórót) = éndah sangêt, éndah anglam lami. (Indonesia : Indah permai). 9. Pawal = krikíl (Indonesia : batu kerikil); jinisipún sêsotyå. 10. Natar = plataran íng sangajêngipún griyå (Indonesia : halaman muka). 11. Ikarok = ika (punikå + arók (awór, campúr, wórsúh dadós satunggal) = punikå campúr kaliyan. 12. Mutyhrras = mutyahara (mutyårå) + araras (éndah, nêngsêmakên) = mutyårå éndah nêngsêmakên. 13. Waidryy = Jawi énggal : widuri, jinisíng sêsotyå íngkang awarni biru. 14. Waidryymaranta = waiduryya (widuri) + amaranila (ugi jinisipún sêsotyå íngkang awarni biru. 15. Bapra = témbók, pagêr témbók. 16. Tunjúng = jinisipún traté warni abrit. 17. Mantên = mirah, inggíh punikå jinisipún sêsotyå íngkang awarni abrít. 18. Lumng (panyératipún ”O” nganggé capíng utawi titík kalíh) = sumórót, sumunar. 19. Muntab hintên i gopuranya = sumunar (gumêbyar) intên íng gapuranipún. 20. Cawintên (cawiri) = rêrênggan awujúd barang íngkang dipún tatah (Indonesia : perhiasan berujud barang yang dipahat / dikukir). 21. Sryyaknta = jinisipún sêsotyå íngkang saé sangêt (pinunjúl), sawènèh wóntên íngkang nêgêsi : hablúr. 22. Sryyakntajwala = suryakanta (sêsotyå linangkúng, hablur) + ujwala (sórót, sumórót). Suraósipún : Íng sakilènipún punikå (inggíh punikå íng sakilènipún kaꧤatón Hastinå) wóntên patamanan mawi pantisari êmas (balé kêncånå) íngkang saklangkúng éndah anglam lami. Krikíl krikíl asórót bêníng íngkang sumêbar íng plataran campúr kaliyan mutyårå, katingalipún êndah sangêt. Pagêripún témbók rinênggå widuri lan amaranila (sêsotyå awarni biru lan (pêpêꧢan) tunjúng sakíng mirah mancóróng). Patíng glêbyar sórótipún intên rêrêngganíng gapurå, rêcå rêcanipún rinênggå suryåkåntå sumórót. Sumber : Pustaka Wayang |
| Wangsul Manginggil |