| (21b) Kaca 301 – 322 |
| ( Mriksani candhi-candhi ing Diyèng ) |
 7. R. Jayèngsari dalah rayi sarta abdi linggar saking Pakalongan, ngidul ngetan minggah rêdi Prau, lajêng mandhap dumugi Diyèng kapanggih lurahipun wasta Ki Gunawan. Sami mriksani candhi-candhi ing Diyèng. Satunggal-satunggalipun katêrangakên maknanipun dening Ki Gunawan, kadosta: Pambêkanipun para Kurawa, pambêkanipun para Pandhawa gangsal tuwin prabu Krêsna, pambêkanipun garwanipun R. Arjuna; i.p. Wara Sumbadra, Dèwi Ulupi, Dèwi Manuara, Dèwi Gandawati tuwin Wara Srikandhi. Lampahipun kalajêngakên dhatêng Sokayasa ing sukuning rêdi Bisma, talatah Banyumas. Lampahipun kaatêrakên dening Ki Gunawan, laju sowan Sèh Akhadiyat. Sèh Akhadiyat dalah garwanipun Siti Wuryan sawêg nandhang sungkawa, jalaran putranipun ingkang wasta Mas Cêbolang kesah tanpa pamit. Dhatêngipun R. Jayèngsari lan Nikèn Rancangkapti kaatêrakên Ki Gunawan sagêd dados panglipuring sungkawa. Sakalih-kalihipun lajêng kapundhut putra sarta cumondhok ing Sokayasa dalah abdinipun pun santri Buras. ... Kaca 301-322 |
Jilid 1 - Kaca : 5
6. Kulup wus padhang tyasingsun |
datan sumêlang ing ati |
sira kariya raharja |
têtêpa (ng)gonmu mêngkoni |
batihmu para sudagar | isining asramèng Giri ||
7. Têmbe ing sapungkuringsun |
sakèhe dunyarta mami |
sidhêkahna kang warata |
pêkir miskin anak yatin |
lawan tukokna amanat | kaji mring Mêkah nagari ||
8. Poma kulup wêkasingsun |
Ni Samboja nulya lalis |
sawusira binêrsiyan |
layon kinubur tinunggil |
lan raka Kyai Samboja |
ing mangkya titiyang Giri ||
9. Lastantun pamundhinipun |
ing gusti Jêng Sunan Giri |
samya kapanjingan iman |
nglampahi sarengat Nabi |
ngibadah andarus Kur'an | kathah kang iyasa masjid ||
10. Gêmah arjane kalangkung |
tan ana kang laku juti |
samya cêkap nyandhang mangan |
adoh ingkang dadya miskin |
têntrêm ciptane raharja |
wong ngamanca kathah prapti ||
11. Kabanjur tan arsa mantuk |
kalajêng wisma ing Giri |
raja pandhita Sètmata |
jujuluk Susunan Giri |
Gajah Kadhaton minulya |
kawêntar ing liya nagri ||
12. Miwah wus pinundhut mantu |
ing Suhunan Ngampèlgadhing |
dhinaupkên lan putrinya |
Nyai Agêng Ratu nami |
atut dènnya palakrama |
lêstantun ngantya sisiwi ||
13. Wowolu èstri myang jalu |
Nyi Agêng angrumiyini |
kondur maring rahmatolah |
layon sumare anunggil |
marasêpuh èstri priya |
garwa putra gung prihatin ||
14. Sigêg gantya kang winuwus |
Brawijaya Narapati |
mirêng pawartos sanyata |
ing mangkya Susunan Giri |
linulutan sakèh janma |
nungkul tan kalawan jurit ||
15. Sang prabu utusan gupuh |
Gajahmada kyana patih |
kinèn lumampah priyangga |
mukul prang Giri Garêsik |
tan cinatur lampahira |
wus prapta jajahan Giri ||
16. Gègère kadya pinusus |
kang katrajang samya ngili |
minggah kadhaton Prawata |
Jêng Sunan Giri marêngi |
anyêrat manêdhak Kur'an |
kagyat mirêng suwaraning ||
Jilid 1 - Kaca : 6
17. Tiyang alok mungsuh rawuh |
sumêdya ngrisak ing Giri |
kalam ingkang kagêm nyêrat |
anulya binucal aglis |
andodonga ing Pangeran |
sinêmbadan ing sakapti ||
18. Kalam lajêng dadya dhuwung |
cumlorot ngamuk pribadi |
pra wadya ing Majalêngka |
kathah ingkang angêmasi |
sakantune kang palastra |
pra samya lumayu (ng)gêndring ||
19. Mantuk marang Majalangu |
sawusira mêngsah gusis |
dhuwung wus wangsul pribadya |
sumèlèh ing ngarsanèki |
panyêratan sang pandhita |
sarta akukuthah gêtih ||
20. Kagyat risang amanêngkung |
miyat dhuwung kuthah gêtih |
dahat panalangsanira |
dyan dodonga mring Hyang Widdhi |
mugi Allah ngapuntêna |
solah amba ingkang sisip ||
21. Sang pandhita ngandika rum |
marang ing wadyanirèki |
kabèh padha piyarsakna |
myang anêksènana sami |
katgèki sun wèhi aran |
si Kalammunyêng prayogi ||
22. Sakèh wadya saur manuk |
wus samya kalilan mulih |
mring wismane sowang-sowang |
lêstantun asramèng Giri |
jumênêngnya Jêng Susunan |
Prabu Sètmata linuwih ||
23. Gêmah arjane kalangkung |
saya wêwah wadyanèki |
tan ana kang kasangsaya |
nahan wus antara lami |
Sunan Giri nandhang gêrah |
kaparêng praptaning takdir ||
24. Kundur mring rahmatolahu |
gumêr tangis ing jro puri |
wandu wandawa sungkawa |
layon sawusing barêsih |
sinarèkkên nora têbah |
sangking padalêmanèki ||
25. Sedanira tilar sunu |
sadasa kakung lan putri |
kang kalih sang king ampeyan |
Pangran Pasirbata nênggih |
kalawan Siti Rohbayat |
wowolu sangking padêmi ||
26. Kasêbut Nyai Gêng Ratu |
putra sêpuh sinung nami |
Ratu Gêdhe ing Kukusan |
nulya Sunan Dalêm nênggih |
katrinira apanêngran |
Susuhunan Têgalwangi ||
27. Catur Nyi Gêng Saluluhur |
panca Sunan Kidul nênggih |
Ratu Gêdhe Saworasa |
Sunan Kulon kang sumêndhi |
Sunan Waruju ragilnya |
wau ta ingkang winardi ||
Kacara 1 : 7
28. Sasampunira pangubur |
kumpul para wadya Giri |
angrêmbag ingkang gumantya |
mandhirèng Susunan Giri |
pra wadya wus golong rêmbag |
Sunan Dalêm kang gumanti ||
29. Gya ingangkat ajujuluk |
Sunan Giri kaping kalih |
Susunan Giri Kadhatyan |
garwa kakalih padêmi |
tan mashur ing panjênêngan |
Jêng Sunan wus praptèng jangji ||
30. Kundur mring rahmatolahu |
ugi sumare ing Giri |
atilar putra sadasa |
(m)bajêng Sunan Sedamargi |
panênggaknya apêparab |
Sunan Giri Prapèn Adi ||
31. Tri Nyi Gêng Kuruganngurun |
Nyi Gêng Ngulakan kang sukci |
Pangran Lor Pangran Dhêkêt sad |
Pangran Bongkok nulya Nyai |
Agêng Waru arinira |
Pangeran Bulu sumêndhi ||
32. Wragil Pangran Sedalaut |
paripurna kang wus swargi |
rêmbag kang yoga gumantya |
kêmpal sakèhe kang dasih |
Sunan Parapèn ingangkat |
linuwih lir eyang swargi ||
33. Mandhirèng Giri Kadhatun |
jujuluk maksih lêstari |
Sunan Giri Prapèn dibya |
suyut kang wadya gung alit |
kawêntar ing liyan praja | tan pêgat kadya ing nguni ||
3. Mêgatruh
1. Ya ta wau sang prabu ing Majalangu |
sampun amiyarsa warti |
lamun Sunan Giri Prabu |
Sètmata wus angêmasi |
mangkya wayahe gumantos ||
2. Ajujuluk Sunan Prapèn Giri luhung |
lalajone kadya nguni |
sang wiku tan arsa nungkul |
marang nagri Majapait |
dadya sru bêndu sang katong ||
3. Dhawuh maring Ki Gajahmada nindya nung |
miwah kinanthèn pra siwi |
angirid wadyabala gung |
kinèn ngrabasèng ing Giri |
wus samapta nulya bodhol ||
Jilid 1 - Kaca : 8
4. Sunan Prapèn wus mirêng badhe ginêmpur |
mring sang prabu Majapait |
wus budhal carakèng prabu |
kya patih myang rajasiwi |
balane lir samodra rob ||
5. Sunan Prapèn sampun sanega ing pupuh |
karsanira nanggulangi |
mring carakèng Majalangu |
tan dangu mêngsah kaèksi |
nulya pinapak prang popor ||
6. Wadya Giri kasoran ing yudanipun |
kathah ingkang nandhang kanin |
tanapi tumêkèng lampus |
Sunan Prapèn angoncati |
sagarwa putra wus lolos ||
7. Lajêng ngungsi maring sapinggiring laut |
binasmènan kitha Giri |
sadaya wus dadya awu |
rajabrana dènjarahi |
rajaputra tindak alon ||
8. Dhumatêng ing astananira sang wiku |
Sunan Giri kang wus swargi |
ingkang rumêksa ing kubur |
tyang kakalih samya dhêngkling |
rawuhe sang prawira nom ||
9. Para wadya dhinawuhan kinèn (n)dhudhuk |
gya tumandang sagung dasih |
halate sang maha wiku |
cihnaning wali linuwih |
singa cêlak anggaloso ||
10. Kalesedan sambat ngadhuh-adhuh lampus |
kang kantun kalangkung giris |
bramantya sang rajasunu |
tumandang pribadi ajrih |
merang lamun tan kalakon ||
11. Dadya dhawuh marang tyang kalih kang tunggu |
kinèn andhudhuk dèn aglis |
binilaèn yèn tan purun |
pasthi tumêkèng ing lalis |
kinarya coban kris waos ||
12. Tyang kakalih tan suwala nulya (n)dhudhuk |
dupi prapta blabak jati |
tutuping tabêlanipun |
binuka saking sakêdhik |
nulya ana ingkang miyos ||
13. Warni kombang tan petungan kathahipun |
mabur ngèbêki wiyati |
maniyub lir langit rubuh |
nêmpuh wadya Majapait |
dènnya nanggulang pakewoh ||
14. Pinarjaya tan keguh ngêntub pikantuk |
bingung wadya Majapait |
ting bilulung rêbut dhucung |
dènnira angungsi urip |
sèlèh gagamaning pupoh ||
Jilid 1 - Kaca : 9
15. Samya kudhung gêdabikan kênèng êntub |
sirah rapêt ngroyok sikil |
ngaruara sambat bingung |
prapta nagri Majapait |
kombang anglut datan kegoh ||
16. Sang aprabu Brawijaya langkung gugup |
tan kawawa nanggulangi |
dadya tilar prajanipun |
sawadya balanirèki |
gusis praja tan ana wong ||
17. Ngungsi têbih dupi kombang wruh wus suwung |
wangsul mring nagrinya malih |
siji tan ana kang kantun |
sang aprabu Majapait |
sawadya wangsul ngadhaton ||
18. Aprasêtya sang aprabu Majalangu |
datan nêdya malih-malih |
nyikara dhatêng sang wiku |
ngamungêna ingkang uwis |
ing tyas datan walangatos ||
19. Kacariyos tyang kalih kang ngrêksa kubur |
kanugrahan mantun dhêngkling |
gagancangan lampahipun |
anusul Jêng Sunan Giri |
ingkang lagya amakuwon ||
20. Kawlasarsa anèng satêpining laut |
tyang kalih marêk tur uning |
ing mangkya mêngsah wus larut |
jalaran tinêmpuh dening |
kombang ingkang mapak pupoh ||
21. Madhul-madhul palayune numbuk bêntus |
tilar gagamaning jurit |
samya ngungsi gêsang (n)jrunthul |
tan ana ingkang tinolih |
swarane pating galêmbor ||
22. Sampun katur ing purwa wasananipun |
dalah waluyaning dhêngkling |
sang wiku kalangkung sukur |
(n)dêdonga marang Hyang Widdhi |
rahayu ywa na pakewoh ||
23. Nulya kundur tan cinatur laminipun |
wus paripurna ing nguni |
eca tyase para wadu |
satêngah ana kang kibir |
sajêg tan na mungsuh rawoh ||
24. Sunan Giri datan samar jangkanipun |
lamun kraton Majapait |
wus andungkap sirnanipun |
jalarane sangking siwi |
dyan Patah mijil karaos ||
|
Jilid 1 - Kaca : 317 85 Dhandhanggula 32. mati-urip lan lara-kapenak | salah siji labuh kabèh | sabiyantu ing kayun | tan sulaya sabayapati | yèka kang patêmbaya | ing upaminipun | antigan sapatarangan | pêcah siji kabèh milu ambelani | swuh brastha suka lila || 33. sang Pandhawa prandene tan tilar | arêmbag saprayogine | kang raka sang inastu | narendra di ing Dwarawati | sri nata Danardana | Padmanaba Prabu | paparab Bathara Krêsna | Wisnumurti ya Kesawa Arimurti | narpati Narayana || 34. lan Pandhawa nanging wus ubaya | gêmah rusak bela bae | kalima sunu sarju | dadi nême sang Wisnumurti | marma sêdya mangkana | Sri Krêsna puniku | kalawan Radèn Janaka | sakaliyan sami katitisan dening | kyatingrat Sang Hyang Suman || 35. panitise Hyang Wisnu Bathara | angagal kaalusane | pisah roroning dhapur | saupama lir sosotya di | lawan êmbanannira | samodra lan alun | kadya surya lan sorotnya | puspita bra ngambar gandanira sumrik | lir jiwa anèng raga || 36. yèn dinulu beda seje warna | ginigit padha rasane | mangkono pisahipun | nata Krêsna lawan Jahnawi | lugune nora beda | sami titis Wisnu | wus ngalela ngejawantah | tuhu tunggal pinangka padha sawiji | sudibyèng jagadraya || 37. krêtarta saolah kridhaningrat | kang minangka prajuritte | kontanning jawata gung | kinèn munah laku durniti | angkara ngangsa arda | adrêng pakarti dur | ing rèh rurusuh rinusak | Sang Hyang Wisnu ingkang andarbèni kardi | anggêmpur kala murka || 38. têtêp tumurun mring ngarcapada | lêstari ing pakaryane | marma sang antuk wahyu | katitisan sang Wisnumurti | ing watak kalakuwan | myang pambêkan jumbuh | aji kaote samantra | sang Arjuna angumbar karsa ngratani | yèn Krêsna rada cêgah || Jilid 1 - Kaca : : 318 85 Dhandhanggula 39. kawaspadan lêpasing graita | wicaksana sasanane | siddhi paningalipun | ing wêweka pangati-ati | limpad ing pasang cipta | wruh ing iya dudu | ing nistha madya utama | tuman têmên ta sujananing naya di | mring sêmu nora samar || 40. marang sande siyosing prakara | kinarang nèng graitane | bisa manis ing têmbung | wruh ing têmbung kang kandêl tipis | miwah kang dawa cêndhak | mandhêk lawan laju | anuhoni asthabrata | nora wangwang ing sabda tatas patitis | putus ing pasang cipta || 41. lawan nora mathênthêng miyagah | kadya pangangguran bae | manis winoran cucut | tumarêcêp sabda tarincing | angandhar tan nglêmpara | wossing tan kalimput | limpating budi kumêpyar | lamun nyandhak karya kêkênthêl lan pikir | pan nora amisesa || 42. tan katara lamun ngumpêt karsa | rapêt ing pasambunganne | bisa nigas anyambung | ambabangun ayêmming ati | awit carita krama | karêm olah sêmu | ênggon wangsulle mikêna | kêdhap-kêdhap kocaking netra lan alis | tan kawistarasmara || 86 Asmaradana 1. sang aprabu Danardana | rahadyan turira alon | saklangkung panuwun kula | de kaparêng amêdhar | sadaya ingkang kasêbut | sastra Buddha tumrap sela || 2. punapinggih sampun jarwa | Ki Gunawan lon dêlinge | anak têmbung Sangsêkrita | tur-ulun jarwanira | Jèngsari ngandikèng kalbu | wong iki baya pujangga || 3. suraosse kang pambêkan | kadiparan kalêjêmme | Korawa lawan Pandhawa | dadya cacah sasanga | Gunawan mèsêm lingnya rum | inggih makatên anakmas || Jilid 1 - Kaca : : 319 4. kinarya nanangi driya | mêndhêt criyose ngaluweh | tinali-tali minangka | tutuladhaning gêsang | talitining pra luluhur | punika kang kinawruhan || 5. tindak ingkang ingarannan | nistha madya utamane | ginambar pambêkan sanga | tuladhaning dumadya | runtut kuna-kunanipun | kêni tinêdhak samangkya || 6. punang laguning mardawa | supadi kawistarane | têpaning kang wit darsana | saking pamanggihingwang | kilap lêrês lêpattipun | kawula sumangga karsa || 7. ambêg miwah kalakuan | sasanga kang jinalèntrèh | sang aprabu Duryudana | kalih Sangkuni Patya | Rêsi Druna tiganipun | golonganing sri Ngastina || 8. dhingin Prabu Darmaputra | sang Bratasena karone | tiga Arya Dananjaya | sakawan Sang Nangkula | kalima Sadewanipun | kanêmme Sri Nata Krêsna || 9. Ngastina kapetang tiga | rong golong kinêmpalake | dadya jangkêp petang sanga | ing mangke pan sinuda | Nangkula Sadewa wau | tunggil wus atunggal warna || 10. marma pangetangan sanga | namung wolu sajatose | lan malih makatên uga | Jahnawi lan Sri Krêsna | tinon ing paningal jumbuh | rahsane kadi sajuga || 11. kêpanggih sapta petangnya | samangke ginandhèng manèh | anggêpnya Sangkuni ika | lawan Sang Dwijakangka | gargêtting driya sumênut | awitte tunggil pinangka || 12. Sangkuni toya ing rawa | buthêk nandhêk tur naiyèng | kasarahan anggrah-anggrah | mambêg kewala datan | wontên ilèn-ilènnipun | jro êmbêg êndhut bladhêran || 13. ulam loh toya karasan | dêstun niku trunalele | matil mandi mawa wisa | malih nadyan wontêna | sawêr toya ting pancungul | anak-anak gumarayah || Jilid 1 - Kaca : : 320 14. mudal tuknya marawayan | jroning maya-marya nyarong | myang tinon rawi sinungan | ilèn-ilènning toya | mili mratani lumintu | dhatêng têgal pasabinan || 15. mumbul pamudalling toya | rêsik sakêdhik rêgêde | dènênggoni ing wadêr bang | guramèh sêpat tambra | samya yêm mamangsa lumut | ganggêng wangunnya karasan || 16. mung makatên prabedanya | netya samya nêtêpake | kawula inggih kawula | gusti têtêp gustinya | witnya samya sami banyu | buthêk lawan bêning maya || 17. lamun totogge paningal | toya maya rêna tyase | yèn buthêk pêpêt nèng netra | nanging ta sami toya | Arya Sena tunggil dhapur | lan Duryudana mangkana || 18. yèn latua latu sanglat | datan kantênan sakinge | tèplêg dhawahe tan prênah | urubnya mulad mubal | karya gugupping tyas bingung | yèn tan murub murêng bêtah || 19. niku pami gêni mulad | tan mobat mabit urube | mèntèr ujwalanya mubyar | antêng sorote padhang | angêsuk dhatêng alindhuk | datan nyamut-nyamut sêmang || 20. mirèng swaranya dahana | yèn sanglat yêkti guguppe | tumambirang ing driyarda | yèn antêng latu mulat | tan wontên sangsayanipun | ing panampi malah cêtha || 21. sanadyan sami dahana | nanging sanès tumanduke | Sena lawan Duryudana | sumlênêk pangrêngkuh tyas | maligi sami sumujud | tan wontên nami kawula || 22. tunggil pangincênging cipta | ananging sanès dhawahe | sang kadi upami kisma | sang Druna siti lincat | (n)jêmbrung kacukulan rumput | lingi garinting wadêran || 23. mlênyèk (n)jawi ing (n)jro padhas | yèn kaidak plera-plere | lunyu mring sukêtan kekah | ambulak ngêmplak-êmplak | kitri karang witte taun | ngarêtêg amung dêlêg pang || Jilid 1 - Kaca : : 321 24. têgêsse mangsa kartika | banjur ngaloloh lêmahe | pêcah pisah sami nêla | lêbêt tur wiyar panjang | singa-singa kang kacêmplung | gya minangsa sato galak || 25. yèn ta upamia kisma | siti ladhu radin ngompol | kaworan pasir malela | mawur lir sabên rinya | dèndhangir pacul lan garu | manawi katiban jawah || 26. yèn lami tan kambah tirta | dhasarripun sampun ngompol | upami tinanêmana | samukawis ngrêmbaka | lastantun wijinya thukul | sami lawan babonnira || 27. kang namung pedah dêlêg pang | enggal walagang uwitte | nanêm kang pancèn ron-ronan | kêtêl lêma ngrêmbayak | yen wiji sêkar kinayun | kusuma lajêng angrêbda || 28. genjah uwohnya andadya | tulus matêng-matêng wohe | makatên sanèssing karya | Arjuna Dhanghyang Druna | apan sami dhasarripun | lincat ladhu inggih kisma || 29. anèng kedalling wacana | dènraosi sawontênne | awon sae kasumbaga | datan sah winacana | makatên upaminipun | Druna lawan Dananjaya || 30. bilih sitinipun wrata | utawi sadaya lêgok | kadhang lêgok kadhang rata | rata kadhang lêgokan | nanging inggih sitinipun | ingkang kisma sami kisma || 31. ingkang toya sami toya | amung sanès wahanane | wontên ta makatên uga | Nangkula myang Sadewa | pinèt iku paminipun | kadya (ng)gyanning samirana || 32. miwah ganda arum ngambar | asêdhêp minging wangine | sumrik dumunung ing grana | ananging bacin ngambar | sanès saking angin iku | lawan sanès saking grana || 33. sayêkti wontên ing ganda | kilap sintên ingkang gawe | sangkanne botên uninga | lan botên kauningan | nging kêdah uning puniku | wittipun saking punapa || Jilid 1 - Kaca : : 322 34. yèn bangêr mantuk bangêran | yèn arum mantuk arumme | kang ganda yêkti mangkana | mung darma angin krana | ajal lan kamulyanipun | ingkang dènantuki ika || 35. Nangkula lawan Sadewa | ya ta winangsulan manèh | ing wau wus ngetang sapta | saking winorring sabda | uwitnya tunggal sawujud | dadya kantun etang gangsal || 36. sang aprabu Danardana | nalikanya aprang rame | Bratayuda mung Sri Krêsna | kang dadya pandaming ngrat | uning obah osikkipun | ing mêngsah kalawan rowang || 37. sakêdhap netra Sri Krêsna | botên pisan yèn kasupèn | ubayanya ing Pandhawa | miwah ubayanira | mêngsah tiga warninipun | Sangkuni myang Dhanghyang Druna || 38. babala sèwu nagara | para ratu gêdhe-gêdhe | nata Krêsna datan kewran | maring kartisampeka | wiknya pasang byuha agung | wadinya adamêl gêlar || 39. ugi botên sinalira | mung pratikêl pikantuke | ingkang tumandang ngayuda | nênggih risang Pandhawa | majêng mundurnya samya nut | saparentah nata Krêsna || 40. sakadang nata Pandhawa | winastu linuhurake | aywa kongsi kaoncatan | têtêppa sinuwita | anuduh ing marga ayu | dadya pandam pangauban || 41. kula nyuwun sêsêrêpan | Wara Sumbadra kalihe | Wara Srikandhi punika | punapa sampun krama | paran cariyossing dangu | cinandhi cakêt Arjuna || 42. mênok sang Wara Sumbadra | lan Srikandhi ku garwane | Wong Agung ing Madukara | risang Andananjaya | lilima garwa kasêbut | ana ing layang Wiwaha || Jilid 1 - Kaca : : 323 43. katri putrining narendra | kalih atmaja wikune | pantês dumadya tuladha | èstri kanggêp ing priya | winursita candranipun | dyah lima endahing warna || 44. atmaja Sri Basudewa | ing Mandura karatone | warna ngrêsêpakên ing tyas | sumèh lindri kang netra | apasaja driya tangguh | sêmune kurang budaya || 45. kuning labêt mung kêpama | wênês mandhês kulittanne | tan pati ngadi busana | mangu kadung yèn mlampah | dyatmika arang amuwus | tan rêgu manis sêmunya || 46. lumuh sêndhuning wicara | amot mêngku aksamane | tuhune pribadya ingkang | pinrih susêtyèng priya | datan lênggana sakayun | mring maru kadi sudara || 47. sanadyan kurang budaya | lêgawa nrus ing batinne | winongwong ing widadarya | labêt kadang Hyang Suman | marma sang Dananjayèku | sêmu ering pamêngkunya || 48. anggêpe samya nyuwita | miwah kang raka kalihe | Prabu Krêsna Baladewa | kalangkung trêsnanira | marang dyah Sumbadra iku | kadang èstri mung sajuga || 49. milane tansah anduta | wau sang nata kalihe | kikintun arta busana | kalawan tanya warta | karaharjane sang ayu | dene garwa kang panênggak || 50. saking pratapan wijilnya | Tirta awama putrane | sang Bêgawan Manikara | sang dyah punjul ing warna | lirpendah gambar pinatut | netra (n)jait antêng raras || 51. lamun paès wimbuh endah | sanadyan ngusutta bae | kaya madu pinasthika | lurus babau wijang | maya-maya tinon mancur | angunguwung mawa teja || 52. kadi Hyang Pudhak-sinurat | mêncorong katon warnane | tanpa apipindhanira | Hyang Andakara ingkang | katawêng ing ima rêmu | rumamyang amaradipta || Jilid 1 - Kaca : : 324 53. kuciwane mung samantra | dene lugas gêgêlunge | prandene mungguh sêmbada | sarwa ramping sadaya | sranduning sariranipun | ing pambayun kurang madya || 54. gumana lambung satata | mikatonni sasolahe | apindha sêkar kintaka | lathi dhamis anggula | sathêmlik rêkta sumunu | kadi kang manggis karêngat || 55. mijitimun punang waja | arêntêt rampak pucuke | sêmu abrit tur kumilat | awor lawan wicara | awèh kêsarring pandulu | sarwa lus sasolahira || 56. kèksi sinamun ngandika | têmbung rumakêt manisse | tanduk angangayuh driya | bisa nuju ing karsa | -ning priya myang marunipun | dènnya nanggapi pinangkat || 57. sêpi dhiri piyangkuhnya | èngêt trahing pandhitane | bêtah nglapa wungu lênggah | karêm mangulah puja | tamat ing caritanipun | garwa Parta kang panênggak || 58. atmajanirèng pandhita | Bagawan Kanwa wastane | dhepok wukir Yasarata | endah rêspati warna | liringe anunjung biru | sumorot kadi kartika || 59. kadya pratima rinêngga | sarêntêg (m)bambang awake | mawèh brangta kang tumingal | liringe pindha wulan | tan pêgat maèsmu (ng)guyu | kengis kang waja gumêbyar || 60. sumèh ing pamulunira | pantês yèn amathêt lambe | ngiras mintonakên waja | wangun tètèsing toya | kataman baskara nrawung | lwir trênggana mrih sasana || 61. gêmuh ingkang payudara | parigêl patrap solahe | kèwês kêdalling wicara | tinut liringing netra | tandang tanduke rumêngkuh | mring priya myang marunira || 62. kang dadi karêmming priya | myang maru cèthi sêdene | marma wong sa-Madukara | ajrih asih sadaya | suyut tur mawa kayungyun | lawan garwa kang panêngah || Jilid 1 - Kaca : : 325 63. Gandawati musthikèngrat | atmajanira sang katong | Arjunayana narendra | ing Sriwêdari praja | warnanya tuhu pinunjul | wênês ngropèk apidêksa || 64. amardapa tiningallan | jênar wingit pasêmonne | antêng dyatmika wiweka | ruruh yèn angandika | titi kurang gujêngipun | rema mêmak ngandrawila || 65. ngarompyoh sisinommira | jangga lumung pranajane | wêlas wimbuh maya-maya | lwir wêngkêring nyu dênta | pinêtri kalangkung-langkung | (ng)gandhewa gadhing kang asta || 66. wiraga nangi asmara | kalamun lumampah alon | lêmês lambung mêmbat madya | kadya tunjung lumênggang | ing warih kadilir banyu | mawèh ganda rum angambar || 67. raratus kokonyoh jêbat | widhadari paguronne | winulangkên marunira | mrih dadi kanthi tama | dènnira suwitèng kakung | gantya garwanya pamêkas || 68. saking nagari Cêmpala | -rêja puniku putrane | Sri Maha Prabu Drupada | ing warna tuhu pelak | jênar pasariranipun | lwir kancana sinêpuhan || 69. liringe manis agalak | budiman kang samya anon | sèdhêt dêdêge rêspatya | gandhang tanduke sabda | gandês luwêse mawèh kung | tulus raharjaning driya || 70. datan mawi tiningallan | sinandi ngliling drijine | amung lawan kakungira | kalamun angandika | patitis saulonipun | cumondhong mapankên nitya || 71. gumêbyar kengis kang waja | lwir thathit barung tumêmpoh | curna prananirèng driya | kajarak mamanisnya | marmanira sang-abagus | kalamun arsa aniwa || 72. sang Parta wande sumewa | lawan sukane sang sinom | maos sagung srat lukita | lalagon gêng kang sêkar | wisatikandhêh swara rum | nglik ngumandhang gêtas rênyah || Jilid 1 - Kaca : : 326 73. yèn wus nulya winursitan | rahsèng lukita salwire | saya karya yam-yamming tyas | miwah sang lwir kusuma | lêbda busana mamatut | tumrape marang sarira || 74. dadya tuladan para dyah | utawi marang marune | rinasuk sinalondhohan | tan keguh rinêngonan | tan alamis gapyak-gapyuk | dadya nora bisa duka || 75. puwara mong mangla-êla | mring Srikandhi sang lir sinom | tuwin risang Dananjaya | dènnya sih (n)tuk babahan | nanging sang rêtnaning ayu | tangèh yèn agênging driya || 76. dènnira malês sihira | maratuwa gung bêktine | gumanti mring Kunthi sang dyah | pinunjung sabên dina | tinurut sakarsanipun | yèku caritaning kuna || 77. nalika ing jaman purwa | wus kawilang utamane | marma yoga piniridda | pakolèh pinarsudya | pinangkat sakadarripun | ywa kongsi tanpa tuladha || 78. (m)bokmanawa tibèng papa | ina pribadi luputte | jumrunuh kèh samya nêtah | kaduwung wusananya | rara giluttên satuhu | crita kang wus ingsun wêdhar || 79. datan langkung pangèstunta | mugi angsalla sawabe | garwa risang Dananjaya | gangsal salah satunggal | manthuk-manthuk sang linuhung | dakidèni sira nyawa || 80. dupi miyarsa carita | ginilut sasuraose | prasêtyèng tyas boya nêdya | krama yèn datan angsal | wanita kang kadi wau | pinilaur tanpa krama || 81. wasana ngling dhuh saiba | sang Dananjaya (m)bêdhodhog | bojone lima utama | sing ngene-ngono ana | pangiraku wus-amunthu | nora niyat lunga-lunga || 82. Buras risang Dananjaya | arang ana ing prajane | ngalênjêt mring pagunungan | ngrampassi para endhang | paminggir tan kêna ngetung | miwah garwa widdhadarya || Jilid 1 - Kaca : : 327 83. kabèh garwane Arjuna | iku mau bêbasane | bojone janma sajagad | iku garwa Arjuna | garwane Arjuna iku | tulus garwane pribadya || 84. ngudubilah nora talah | apa kabênêran biyèn | (ng)gonne ngiris kala sunat | gêr ginuyu ngakathah | Ki Gunawan (ng)guguk muwus | jaman iku tanpa sunat || 85. mung samantên gadugingwang | ing wanci sampun sêdhênge | aso wawi sasareyan | rahadyan lon turrira | bilih kaparênging kalbu | ulun lan putranta rara || 86. dhatêng sumur Jalatundha | enjinge lajêng kemawon | mangkat saking Jalatundha | dhumatêng Sokayasa | Ki Gunawan lon lingipun | iku labêtte taruna || 87 pringgabaya tan rinasa | mung nêrrang tyas katon mêlok | pami kula mambêngana | ing karsa kirang rêna | mila ulun mung jumurung | (n)dhèrèk punapi karsanta || 88. timba mring myang obor blarak | samêkta anulya bodhol | (m)bêkta obor sowang-sowang | wus praptèng Jalatundha | sakaliyan nulya gupuh | anyêmplungakên kang timba || 89. sumur katon kimplah-kimplah | prasasat mung nyidhuk bae | bumbung kalih kêbak toya | ingaturrakên marang | Ki Gunawan dahat ngungun | anak kalangkung katrimah || 90. adat dhatêng asrêp tahan | lan kadugèn sakajate | nulya inginum saksana | sabumbung sowang-sowang | mèh têlas Ki Buras matur | kula nun nyuwun loroddan || 91. bumbung dwi sinungkên Buras | tinampèn lajêng ginogok | sarwi asru wuwusira | e biyang nora dora | têka angêt jasatingsun | kanthi padhanging wardaya || Jilid 1 - Kaca : : 328 87 Kinanthi 1. nuringrat katon nêlahi | sirêp ingkang nur buwana | mèh rahina sêmu abrit | mega malang (ng)ganthêng pêthak | ramya swaraning kang pêksi || 2. aywa kirang pangaksami | ulun lajêng kalilana | umangkat saking ing ngriki | datan langkung pangèstunta | raharjanirèng lumaris || 3. ywa kirang juga punapi | mèsêm Kiyai Gunawan | saèstune ulun ngirid | supadi ing lampah gancang | myang kang matur ing sang yogi || 4. kula ngantos sawatawis | yèn anak wus têntrêm ing tyas | (ng)gènulun wangsul mariki | Jayèngsari duk miyarsa | sukèng tyas umatur aris || 5. paduka sih kawlasasih | adan umangkat saksana | bagaspati wus (n)dhadhari | enggar kang samya lumampah | tan ana sangsayèng margi || 6. dènnira samya lumaris | saking ing Diyèng wus prapta | tlatah Sokayasa nênggih | kèndêl têpi patêgalan | Buras kinèn tanya maring || 7. wakne kula nilakrami | kang sinambat myang pilênggah | tuwin raning dhusun niki | myang sintên pangagêngira | ki dhangir kagyat mangsuli || 8. Ragatruna lênggah mami | kabayan ing Sokayasa | anênggih kangjêng kiyai | sinambat Sèh Akhadiyat | ingadhêp pinundhi-pundhi || 9. utawi damêl pribadi | wau Ragatruna mulat | mring Gunawan datan pangling | gya lumajêng praptèng ngarsa | manêmbah turrira aris || 10. yèn paduka ingkang prapti | kanthi (m)bêkta kalih putra | punapi yun (m)bêkta maring | rakanta Sèh Akhadiyat | Ki Gunawan anganthuki || Jilid 1 - Kaca : : 329 11. maturra raka kang Kyai | tuwin kang (m)bok Siti Wuryan | ulun arsa caos bêkti | lan anggawa dwi atmaja | Ragatruna mêsat aglis || 12. Sèh Akhadiyat myang padmi | lagya lênggah nèng paningrat | nglilipur garwa kang lagi | kataman duhkitaning tyas | murcane siwi sang pêkik || 13. wus sinêbar sakèh dasih | angluru tan antuk warta | mila saya gung prihatin | Maha Wiku ngandikanya | mring garwa myang para dasih || 14. têmbe manawa wus eling | (m)balèni panggawe yogya | birai maring utami | (m)buwang pakarti angkara | murka rucah ing ngaurip || 15. sayêkti mulih pribadi | tur wus tampi kang piwulang | nging pandhita kang wus sidik | sampurna trang ngèlmunira | ingkang tumêkèng kajatin || 16. rahayune kang lunga nis | èh ta Wuryan di narima | sira pasraha Hyang Widdhi | saka palaling Hyang Suksma | sadurunge jêbèng mulih || 17. kang dadya rêm-rêming ati | wèh suka rênaning driya | kadi yogamu pribadi | utawa trah witaradya | Siti Wuryan duk miyarsi || 18. kawuryan ujwala wêning | kasaru Ki Ragatruna | mangarsa umatur aris | amba ngaturi uninga | arinira Diyèng tuwin || 19. ayun sumiwèng sang yogi | èh Truna yayi Gunawan | iku nora darbe siwi | wis ta banjur aturana | ywa kasuwèn anèng jawi || 20. tamu katri sampun kerit | tundhuk nulya rarangkulan | bagya-binagyakkên sami | sang wiku aris ngandika | padha bêcik sira yayi || 21. wawangune awigati | lawan bocah iku sapa | kang jalu warnane pêkik | kang wadon ayu prakatya | katêmbèn ingsun udani || Jilid 1 - Kaca : : 330 22. dhawuh paduka kapundhi | mênggah pisowan kawula | rèhing lami tan sumiwi | dumadya wulangun dahat | dhatêng paduka sarimbit || 23. nyowannakên rare kalih | anakipun ki nangkoda | Pakalongan Ki Hartati | jalu èstri ing samangkya | wus sami tumêkèng jangji || 24. miwiti têkèng mêkassi | Sèh Akhadiyat ngandika | yayi ingkang nora (n)dugi | apa condhong lan kiranta | Ki Gunawan turnya ririh || 25. ulun pan makatên ugi | ananging badhe tatanya | jatosse yèn (n)juwarèhi | mila ulun mung sumangga | kulup ngabêktia aglis || 26. maring (n)Jêng Kyai sarimbit | tanggap radyan lan ri sang dyah | manêmbah lampahnya ririh | parigêl solah wiraga | dhèmês luwês mêrakati || 27. rahadyan tan kenging têbih | lan sang Luhung Akhadiyat | sira Nikèn Rancangkapti | duk ngabêkti Siti Wuryan | tansah dènnira ngarassi || 28. nini ywa sandeyèng kapti | ramanta kang wus suwarga | aku mitrane sayêkti | kalawan yayi Gunawan | miwah ramanta kiyai || 29. tan ana winalangati | lwir kadang sayayah rena | nêmbah Nikèn Rancangkapti | sang wiku gantya ngandika | èh ta kulup Jayèngsari || 30. di sukur narimèng ati | mêsthine ya nora timbang | ing nagara lan ing ngardi | muwah-muwuh anèng praja | anèng wukir gung kalantih || 31. radyan nêmbah matur aris | saèstu ulun têmaha | mituhu tuduh sudarmi | rencang ulun mung satunggal | pun Buras namanirèki || 32. Siti Wuryan matur aris | sadya dhahar wus samêkta | prayogi dhahar rumiyin | mêsakakên kulup rara | rèh mêntas lalampah têbih || Jilid 1 - Kaca : : 331 33. dimènne angaso sami | wus jêngkar saking paningrat | lênggah dhahar èmpèr wingking | nutug dènnira bujana | wus linoroddakên mring dasih || 34. yayi asoa rumiyin | mring panti tamu lor langgar | wus lèngsèr Gunawan Kyai | Siti Wuryan mundur lawan | Rancangkapti mring jinêmrik || 35. payo turon ingsun dhidhis | kalihe samya sareyan | rara caritakna mami | wit angkatmu saka ngomah | saprene wus pirang ari || 36. bilih awit kesah mami | ri tanggal wulan kalepyan | jalaran wus langkung lami | bilih saking Pakalongan | sawêg pêndhak ari mangkin || 37. mangkana dyah Rancangkapti | kalimput sintrèning lampah | piniluta ing mamanis | apan wus katur sadaya | Siti Wuryan sukèng galih || 38. têkèng candhi Macanputih | lajêng kapati anendra | Siti Wuryan marêk aglis | ing raka maksih alênggah | lawan Radèn Jayèngsari || 39. umarêk matur bibisik | purwa tumêkèng wasana | cariyosnya Rancangkapti | maha wiku latah-latah | nora luput kira mami || 40. kang prasaja aja kumbi | nitik saking udakara | dora sakèhing pawarti | sira ngaku nak sudagar | rinta Nikèn Rancangkapti || 41. palêthèking kira mami | Jayèngsari duk miyarsa | tumungkul waspa drês mijil | sakawit têkèng wêkassan | wus katur tan ana cicir || 42. langkung martrênyuhing galih | mangkana pangandikanya | aja sumêlang ing ati | dipracaya ing Pangeran | ingsun kang akarya rêmit || 43. sakèh wadi kang piningit | sira lawan ari para | padha ingsun akên siwi | enggar tyassira rahadyan | dalunya datan winarni || Jilid 1 - Kaca : : 332 44. Kyai Gunawan maharsi | pêpak kang lênggah paningrat | Sèh Akhadiyat bibisik | sakèh wadi mring Gunawan | samya sukanirèng galih || 45. agêng alit jalu èstri | sawusse sowan sadaya | Sèh Akhadiyat ngundhangi | èh sakèhe bocahingwang | piyarsakna tutur mami || 46. Jayèngsari Rancangkapti | dak pundhut putra minangka | gêgêntine kang lunga nis | padha sira sêksènana | sadaya asaur pèksi || 47. nahan Ki Gunawan Kyai | dènnya anèng Sukayasa | sukuning Bisêma wukir | wus tri ari gya pamitan | linilan umantuk aglis || 48. karênan among ing siwi | lêstari têkèng diwasa | tan kurang juga punapi | wus supe mring kang lêlana | kalimput ing siwi kalih || 49. saya têrang ing panggalih | kadyangganing kang kusuma | Jayèngsari Rancangkapti | wus kudhup kantun angantya | babarring kusuma adi || 50. kang sih-sinihan lan siwi | sigêg gantya kang winarna | sarêng ing lampahirèki | carita kinarya gantya | mêgatruh ingkang winarni || |
Jilid 1 - Kaca : 5
6. Kulup wus padhang tyasingsun |
datan sumêlang ing ati |
sira kariya raharja |
têtêpa (ng)gonmu mêngkoni |
batihmu para sudagar | isining asramèng Giri ||
7. Têmbe ing sapungkuringsun |
sakèhe dunyarta mami |
sidhêkahna kang warata |
pêkir miskin anak yatin |
lawan tukokna amanat | kaji mring Mêkah nagari ||
8. Poma kulup wêkasingsun |
Ni Samboja nulya lalis |
sawusira binêrsiyan |
layon kinubur tinunggil |
lan raka Kyai Samboja |
ing mangkya titiyang Giri ||
9. Lastantun pamundhinipun |
ing gusti Jêng Sunan Giri |
samya kapanjingan iman |
nglampahi sarengat Nabi |
ngibadah andarus Kur'an | kathah kang iyasa masjid ||
10. Gêmah arjane kalangkung |
tan ana kang laku juti |
samya cêkap nyandhang mangan |
adoh ingkang dadya miskin |
têntrêm ciptane raharja |
wong ngamanca kathah prapti ||
11. Kabanjur tan arsa mantuk |
kalajêng wisma ing Giri |
raja pandhita Sètmata |
jujuluk Susunan Giri |
Gajah Kadhaton minulya |
kawêntar ing liya nagri ||
12. Miwah wus pinundhut mantu |
ing Suhunan Ngampèlgadhing |
dhinaupkên lan putrinya |
Nyai Agêng Ratu nami |
atut dènnya palakrama |
lêstantun ngantya sisiwi ||
13. Wowolu èstri myang jalu |
Nyi Agêng angrumiyini |
kondur maring rahmatolah |
layon sumare anunggil |
marasêpuh èstri priya |
garwa putra gung prihatin ||
14. Sigêg gantya kang winuwus |
Brawijaya Narapati |
mirêng pawartos sanyata |
ing mangkya Susunan Giri |
linulutan sakèh janma |
nungkul tan kalawan jurit ||
15. Sang prabu utusan gupuh |
Gajahmada kyana patih |
kinèn lumampah priyangga |
mukul prang Giri Garêsik |
tan cinatur lampahira |
wus prapta jajahan Giri ||
16. Gègère kadya pinusus |
kang katrajang samya ngili |
minggah kadhaton Prawata |
Jêng Sunan Giri marêngi |
anyêrat manêdhak Kur'an |
kagyat mirêng suwaraning ||
Jilid 1 - Kaca : 6
17. Tiyang alok mungsuh rawuh |
sumêdya ngrisak ing Giri |
kalam ingkang kagêm nyêrat |
anulya binucal aglis |
andodonga ing Pangeran |
sinêmbadan ing sakapti ||
18. Kalam lajêng dadya dhuwung |
cumlorot ngamuk pribadi |
pra wadya ing Majalêngka |
kathah ingkang angêmasi |
sakantune kang palastra |
pra samya lumayu (ng)gêndring ||
19. Mantuk marang Majalangu |
sawusira mêngsah gusis |
dhuwung wus wangsul pribadya |
sumèlèh ing ngarsanèki |
panyêratan sang pandhita |
sarta akukuthah gêtih ||
20. Kagyat risang amanêngkung |
miyat dhuwung kuthah gêtih |
dahat panalangsanira |
dyan dodonga mring Hyang Widdhi |
mugi Allah ngapuntêna |
solah amba ingkang sisip ||
21. Sang pandhita ngandika rum |
marang ing wadyanirèki |
kabèh padha piyarsakna |
myang anêksènana sami |
katgèki sun wèhi aran |
si Kalammunyêng prayogi ||
22. Sakèh wadya saur manuk |
wus samya kalilan mulih |
mring wismane sowang-sowang |
lêstantun asramèng Giri |
jumênêngnya Jêng Susunan |
Prabu Sètmata linuwih ||
23. Gêmah arjane kalangkung |
saya wêwah wadyanèki |
tan ana kang kasangsaya |
nahan wus antara lami |
Sunan Giri nandhang gêrah |
kaparêng praptaning takdir ||
24. Kundur mring rahmatolahu |
gumêr tangis ing jro puri |
wandu wandawa sungkawa |
layon sawusing barêsih |
sinarèkkên nora têbah |
sangking padalêmanèki ||
25. Sedanira tilar sunu |
sadasa kakung lan putri |
kang kalih sang king ampeyan |
Pangran Pasirbata nênggih |
kalawan Siti Rohbayat |
wowolu sangking padêmi ||
26. Kasêbut Nyai Gêng Ratu |
putra sêpuh sinung nami |
Ratu Gêdhe ing Kukusan |
nulya Sunan Dalêm nênggih |
katrinira apanêngran |
Susuhunan Têgalwangi ||
27. Catur Nyi Gêng Saluluhur |
panca Sunan Kidul nênggih |
Ratu Gêdhe Saworasa |
Sunan Kulon kang sumêndhi |
Sunan Waruju ragilnya |
wau ta ingkang winardi ||
Kacara 1 : 7
28. Sasampunira pangubur |
kumpul para wadya Giri |
angrêmbag ingkang gumantya |
mandhirèng Susunan Giri |
pra wadya wus golong rêmbag |
Sunan Dalêm kang gumanti ||
29. Gya ingangkat ajujuluk |
Sunan Giri kaping kalih |
Susunan Giri Kadhatyan |
garwa kakalih padêmi |
tan mashur ing panjênêngan |
Jêng Sunan wus praptèng jangji ||
30. Kundur mring rahmatolahu |
ugi sumare ing Giri |
atilar putra sadasa |
(m)bajêng Sunan Sedamargi |
panênggaknya apêparab |
Sunan Giri Prapèn Adi ||
31. Tri Nyi Gêng Kuruganngurun |
Nyi Gêng Ngulakan kang sukci |
Pangran Lor Pangran Dhêkêt sad |
Pangran Bongkok nulya Nyai |
Agêng Waru arinira |
Pangeran Bulu sumêndhi ||
32. Wragil Pangran Sedalaut |
paripurna kang wus swargi |
rêmbag kang yoga gumantya |
kêmpal sakèhe kang dasih |
Sunan Parapèn ingangkat |
linuwih lir eyang swargi ||
33. Mandhirèng Giri Kadhatun |
jujuluk maksih lêstari |
Sunan Giri Prapèn dibya |
suyut kang wadya gung alit |
kawêntar ing liyan praja | tan pêgat kadya ing nguni ||
3. Mêgatruh
1. Ya ta wau sang prabu ing Majalangu |
sampun amiyarsa warti |
lamun Sunan Giri Prabu |
Sètmata wus angêmasi |
mangkya wayahe gumantos ||
2. Ajujuluk Sunan Prapèn Giri luhung |
lalajone kadya nguni |
sang wiku tan arsa nungkul |
marang nagri Majapait |
dadya sru bêndu sang katong ||
3. Dhawuh maring Ki Gajahmada nindya nung |
miwah kinanthèn pra siwi |
angirid wadyabala gung |
kinèn ngrabasèng ing Giri |
wus samapta nulya bodhol ||
Jilid 1 - Kaca : 8
4. Sunan Prapèn wus mirêng badhe ginêmpur |
mring sang prabu Majapait |
wus budhal carakèng prabu |
kya patih myang rajasiwi |
balane lir samodra rob ||
5. Sunan Prapèn sampun sanega ing pupuh |
karsanira nanggulangi |
mring carakèng Majalangu |
tan dangu mêngsah kaèksi |
nulya pinapak prang popor ||
6. Wadya Giri kasoran ing yudanipun |
kathah ingkang nandhang kanin |
tanapi tumêkèng lampus |
Sunan Prapèn angoncati |
sagarwa putra wus lolos ||
7. Lajêng ngungsi maring sapinggiring laut |
binasmènan kitha Giri |
sadaya wus dadya awu |
rajabrana dènjarahi |
rajaputra tindak alon ||
8. Dhumatêng ing astananira sang wiku |
Sunan Giri kang wus swargi |
ingkang rumêksa ing kubur |
tyang kakalih samya dhêngkling |
rawuhe sang prawira nom ||
9. Para wadya dhinawuhan kinèn (n)dhudhuk |
gya tumandang sagung dasih |
halate sang maha wiku |
cihnaning wali linuwih |
singa cêlak anggaloso ||
10. Kalesedan sambat ngadhuh-adhuh lampus |
kang kantun kalangkung giris |
bramantya sang rajasunu |
tumandang pribadi ajrih |
merang lamun tan kalakon ||
11. Dadya dhawuh marang tyang kalih kang tunggu |
kinèn andhudhuk dèn aglis |
binilaèn yèn tan purun |
pasthi tumêkèng ing lalis |
kinarya coban kris waos ||
12. Tyang kakalih tan suwala nulya (n)dhudhuk |
dupi prapta blabak jati |
tutuping tabêlanipun |
binuka saking sakêdhik |
nulya ana ingkang miyos ||
13. Warni kombang tan petungan kathahipun |
mabur ngèbêki wiyati |
maniyub lir langit rubuh |
nêmpuh wadya Majapait |
dènnya nanggulang pakewoh ||
14. Pinarjaya tan keguh ngêntub pikantuk |
bingung wadya Majapait |
ting bilulung rêbut dhucung |
dènnira angungsi urip |
sèlèh gagamaning pupoh ||
Jilid 1 - Kaca : 9
15. Samya kudhung gêdabikan kênèng êntub |
sirah rapêt ngroyok sikil |
ngaruara sambat bingung |
prapta nagri Majapait |
kombang anglut datan kegoh ||
16. Sang aprabu Brawijaya langkung gugup |
tan kawawa nanggulangi |
dadya tilar prajanipun |
sawadya balanirèki |
gusis praja tan ana wong ||
17. Ngungsi têbih dupi kombang wruh wus suwung |
wangsul mring nagrinya malih |
siji tan ana kang kantun |
sang aprabu Majapait |
sawadya wangsul ngadhaton ||
18. Aprasêtya sang aprabu Majalangu |
datan nêdya malih-malih |
nyikara dhatêng sang wiku |
ngamungêna ingkang uwis |
ing tyas datan walangatos ||
19. Kacariyos tyang kalih kang ngrêksa kubur |
kanugrahan mantun dhêngkling |
gagancangan lampahipun |
anusul Jêng Sunan Giri |
ingkang lagya amakuwon ||
20. Kawlasarsa anèng satêpining laut |
tyang kalih marêk tur uning |
ing mangkya mêngsah wus larut |
jalaran tinêmpuh dening |
kombang ingkang mapak pupoh ||
21. Madhul-madhul palayune numbuk bêntus |
tilar gagamaning jurit |
samya ngungsi gêsang (n)jrunthul |
tan ana ingkang tinolih |
swarane pating galêmbor ||
22. Sampun katur ing purwa wasananipun |
dalah waluyaning dhêngkling |
sang wiku kalangkung sukur |
(n)dêdonga marang Hyang Widdhi |
rahayu ywa na pakewoh ||
23. Nulya kundur tan cinatur laminipun |
wus paripurna ing nguni |
eca tyase para wadu |
satêngah ana kang kibir |
sajêg tan na mungsuh rawoh ||
24. Sunan Giri datan samar jangkanipun |
lamun kraton Majapait |
wus andungkap sirnanipun |
jalarane sangking siwi |
dyan Patah mijil karaos ||
